Маці аддала - выгавар дала:
"сем год не бываці"

Цярпела я год,
Цярпела я два
Трэцці не сьцярпела -
Ператварылася ў серу зязюлю,
Да роду ляцела.

Прыляцела ў сад
Сад зялёненькі
Стала кукуваці
Стала кукуваць і прычытываць,
Што горя мне жыці

Маці стоячы ў сенях новенькіх
Ручнік вышывала,
А малодшы брат ў парозе стоя
Ружжо заряджае:

Пазволь жа мне маць,
Маць раднюсенька,
Ту зязюлю ўбіці!
Бо йна кукуе, жалю прідае,
Што горе ёй жыці!

Не пазволю, сын,
Сын раднюсенькі,
Ту зязюлю ўбіці!
Бо той зязюлі, як тваёй сястре -
На чужбіне жыці...

 

.mp3	запіс (з бабулінымі тлумачэннямі) можна паслухаць тут [ 112 kbps, 0.99 Мb]