Ёсць у Горацкім раёне Магілёўскай вобласці вёска з даволі адметнай назвай. Не якія-небудзь там Зубры ці Казлы, якіх у кожным раёне хапае — а Добрая. Чаму так называецца, не ведаю. Не сказаць, што асабліва ужо добрыя тут людзі — пэўна такія ж звычайныя, як жыхары Казлоў або Зуброў. Такая ўжо назва. Яшчэ не так даўно Добрая была сталіцай калгаса "Праўда". Зараз ніякай Праўды ў Добрай няма — ёсць саўгас-камбінат "Горкі", ды й ня вёска гэта зараз а "аграгарадок"! Але ж не аб тым гаворка.
У Добрай жыве мая бабуля — Марыя Андрэеўна Нябесная. Нарадзілася яна ў жніўні 1919-га і, вядома, шмат чаго пабачыла — ёсць што рассказаць. Амаль кожны раз, калі я ў бабулі бываю, яна мне рассказвае нешта цікавае — пра вайну, ці пра свае сны. Бабуля мая — чалавек з гумарам, але часцей за ўсё яе успаміны не "весёлые истории в журнале Ералаш", а нешта такое, ад чаго сціскаецца сэрца. Не хачу, каб гэтыя ўспаміны былі страчаныя — а такая небяспека існуе, бо я, пакуль праеду 15 кіламетраў на аўтобусе ад Добрай да Горак, — дык гэты аўтобус у мяне палову ўсіх бабкіных персанажаў з галавы павытрасе. Здзіўляюся, як гэта бабуля ў 85 гадоў памятае вершы, якія вучыла яшчэ пaцанкай, у сярэдзіне 30-х... Пэўна, гэта радыёнукліды на мяне так паўплывалі, калі я, першакласнік, 1 мая 1986 года выйшаў на сваю першую першамайскую дэманстрацыю. Аб чым гэта я... Дык вось, памяці сваёй я давяраю менш, чым памяці свайго камп'ютара — таму і пачаў бабуліны гісторыі запісваць.
Хачу папярэдзіць: мова, якой запісаны бабкіны ўспаміны, даволі асаблівая. Запісваў так, як чуў. Ад беларускай літаратурнай яна адрозніваецца, таксама ж, як і ад рускай. Таму не трэба здзіўляцца, што ў тэкстах ёсць спалучэнні "ре, рі" замест літаратурна-стандартных беларускіх "рэ, ры" альбо "ті" замест "ці". Я спрабаваў як мага дакладней перадаць ўсе асаблівасці вымаўлення. Падганяць пад нейкі стандарт значыла б амяртвіць жывую мову нашай вёскі — мову маёй бабулі.
Гэты сайт — маленькі падарунак да бабулінага 85-га дню нараджэння, які быў 28 жніўня 2004.
Калі нешта будзе незразумела, зазірніце ў маленькі слоўнічак, пачытайце "дабрянскія" прыслоўі. Будуць пытанні — пішыце: ambiont@gmail.com
Павел Няхаеў
24.06.2013 |
Мой трэк з бабулінай песняй пра зязюлю |
28.08.2009 |
Бабулі 90! Відэа з песняй пра зязюлю - http://vimeo.com/6325780 |
10.11.2007 |
Песня пра "Серу Зязюлю" — тэкст, .mp3 |
30.01.2007 |
Прымаўкі: "Радзіла мяне мамка, ды не ўзяла ямка". "- Як дзела? - Як сажа бяла." |
09.08.2006 |
Павер'е пра Дзевяць гарошын |
04.07.2006 |
Гісторыя пра бой, які адбыўся на нашым гародзе ў верасні 1942. |
04.09.2005 |
Казка (а мо' і праўда) пра Сабаку, дзякуючы якому людзі могуць есці хлеб. |
28.08.2005 |
Сёння ў бабулі Дзень Нараджэння — 86 год. У гэты дзень святкуюць Прачыста (ru. — Успение Божьей Матери), таму бабулю і назвалі — Марыя.
Чытайце новыя гісторыі: пра помсту цыганкі-гадалкі і пра паходжанне прозвішча нашых продкаў — Лазічныя. |
29.07.2005 |
У сайта новы адрас - dobraja.com |
03.06.2005 |
У "Звяздзе" з'явіўся артыкул Вікторыі Целяшук "Сайт для бабулі" |
22.04.2005 |
Казкі: пра Канюха і Варону, і пра баязлівага багача |
07.04.2005 |
На III Беларускім конкурсе інтэрнэт-рэсурсаў "Інтэрнэт-прэмія" TIBO'2005 сайт заняў II месца ў намінацыі "Персанальныя старонкі" |
06.04.2005 |
Бабуля ўспамінае, як пасля вайны ездзіла з сяброўкамі на заробкі ў Заходнюю Беларусь: "У зарабатках" |
22.03.2005 |
Сёння Соракі. У гэты дзень гатуюць галушкі і кладуць у адну з іх грошык "на шчасце". |
12.03.2005 |
Чытайце пра тое, як маладыя ў 1920-1930-х весяліліся на Калядкі |
12.01.2005 |
Яшчэ адна гісторыя: "Ложка" |
07.01.2005 |
Мы з бабуляй віншуем усіх з Калядамі! А Таццяне Панаскінай з газеты "Вячэрні Мінск" вялікі дзякуй за яе артыкул. |
20.12.2004 |
2 новых гісторыі: "Голад 1933" і "Хустка", а таксама песенька, якую бабулі спявала яшчэ яе бабуля: "Чарнец" [ёсць .mp3]
|
03.12.2004 |
на Беларускім Партале TUT.by з'явілася паведамленне пра сайт |
25.11.2004 |
Песьні: "Галовачка мая бедная" і "Іду дамой, ажно цямнеець" |
14.11.2004 |
Старт. Калі ёсць заўвагі, калі ласка — пішыце іх тут |
